Љубомир Митев - 73 - годишниот херој од село Којково

Дедо Љубе од кратовското село Којково, кој се спаси себеси и сопругата од двајца насилни разбојници, им ги спасувал животите и на селаните и на планинарите заталкани и премрзнати во снеговите на Осогово

Но, на дедо Љубе и на неговата сопруга немало кој да им помогне во средата навечер.... пишуваат некои весници .... немало потреба за тој маж на 73 годишна возрст кој имаше сила да се одбрани себеси и честа на својата жена.

Со својот херојски подвиг ја ослободи Р. Македонија од еден опасен злобен криминалец Зоран З. од село Пантелеј, за секoгаш , а другиот Борче И., да го рани...... овие двајца злобни криминалци со сторени тешки криминални досијеа и од порано,...евентуално подпомогнати и од некој таксист.

Како денес македонската правдa му возраќа на овој херој,.. наместо да го награди, сака да го суди, и да ја препушти неговата долго годишна, а сега истоштена од овој криминален акт на овие безмилоcни криминаци, сопатничка сама на безмилост...... Дојдели некој совесен лекар следбеник на Хипократ, за да види во каква здраствена положба се наоѓа таа жена?...

Hаводно старата лоечка пушка што и го спасила животот,.. од обвинителството се смета за '' опасноcт '' за безбедноста нa Р. Македонија.

Од ова гледаме дека македонските судови не функционираат како треба, затоа мора да се прилагодат на судовите од ЕУ,.. ако сака Македонија да влезе во ЕУ.

 

Kој вели дека нема херои денес во Р. Македонија ,.. еве еден автентичен ,.. а судот сака да го суди .. ќе имали правдa за овој хрој?

 

06.04.2015, 16:18

Случајот на дедо Љубе на Апелација - Преживеаниот обвинет тврди дека не ''го тепал'' дедото и бара ново судење

Случајот со 75-годишниот кратовец Љубомир Митев, во јавноста познат како дедо Љубе, кој во февруари пред две години беше нападнат од двајца разбојници кои, откако ги застрела со ловечка пушка, едниот почина, а другиот преживеа, стигна до Апелациониот суд Скопје.

За настанот преживеаниот обвинет Борчо Иванов (30) Кумановскиот суд го осуди на затвор од 8 години за разбојништво. Но Иванов, кој тврди дека не го нападнал дедо Љубе, преку неговите бранители Илија Тунџев и Асмир Алиспаиќ, поднел жалба на пресудата и од скопските апелациони судии бара укинување на првостепената пресудата и ново судење.

Дедо Љубе, според пресудата, пред Кумановскиот суд раскажал дека двајцата разбојници му дошле на врата со фантомки на глава, им отворил, а тие го нападнале него и неговата неподвижна сопруга Царка. Го влечеле по подот, го врзале со јаже, го тепале и му се заканиле дека ќе го заколат со моторна пила, ако не им даде пари. Царка ја затвориле во друга соба и ја покриле со ќебе преку глава. Дедо Љубе успеал да се ослободи, ја зел пушката во која ставил само два патрона за, како што кажал, да ги исплаши разбојниците.

Зоран Златков, кој се движел кон него со моторна пила, го погодил во градите, по што тој починал, а Иванов бил ранет. По ова, дедо Љубе се вратил во куќата, го тргнал ќебето од сопругата која се душела, и ја спасил.

Обвинетиот Иванов пред Судот раскажал дека со починатиот Зоран со такси тргнале кај дедо Љубе, но не за да го нападнат туку за да наплатат долг од 10.000 денари за продажба на пушка. Според адвокатите, невозможно било исчашеното рамо, за кое дедо Љубе не побарал лекарска помош 35 дена, да биде стара повреда која му ја нанел обвинетиот Борчо. Адвокатите тврдат дека тоа е повреда која настанала подоцна. За нив е нелогично обвинетиот да патува 150 километри од едно до друго село за да краде.

Според жалбата, првостепената пресуда е изречена без да се утврди точно и целосно фактичката состојба. Апелациониот суд за околу еден месец ќе треба да донесе одлука по жалбата на обвинетиот Борчо. За случајот во Кумановскиот суд се води и постапка во која на дедо Љубе му се суди за убиство, убиство во обид и за нелегално поседување оружје. За настанот тој ќе седне на обвинителна клупа на 14 април.

МакедонОн

Случајот го следиме.

Ќе успеат ли криминалците да направат од 75-годишниот кратовец, дедо Љубомир Митев, од овој хрој, да направат криминалец,... ќе видиме дали македонските судови се праведни и колку... времетo ќе каже СЕ... ма по која цена,.. xеројот дедо Љубомир е стар, да не зборувам за неговата долго додишна сопатничка.

 

 

Повторно одложен судскиот процес за дедо Љубе

14.04.2015 | 16:12

Кумановскиот Основен суд го одложи судскиот процес за Љубомир Митев познат како Дедо Љубе, откако неговите адвокати побараа дополнителна истрага. 

Уште пред да почне рочиштето, група граѓани кои се организирале преку социјалните мрежи се собраа пред судот за да му ја дадат поддршка на Дедо Љубе. 

Тој пак им се заблагодари и порача дека верува во правдата и се надева дека судот ќе ја донесе вистинската одлука.

Адвокатот на Митев пак објасни дека рочиштето е одложено откако побарале да се утврдат дополнителни факти кои сметаат дека се важни за одбраната. 

Предлогот судскиот совет го прифатил така што постапката ќе се врати во повторна фаза на истрага.

75 годишниот Дедо Љубе е обвинет за три кривични дела: убиство, убиство во обид и неовластено држење на оружје.   

Тој на 27 февруари 2013 година го убил Зоран Златков од селото Пантелеј, а го ранил Борчо Иванов од село Поплаки, кои упаднале во нивниот дома во селото Којково и неколку часа ги мачеле него и неговата хендикепирана сопруга за да им кажат каде ги чуваат парите. 

Ова е второ рочиште од истиот случај, и првиот пат судењето беше одложено, а дедо Љубе во судница се појави сам, отатко тогаш неколку часа пешачеше до судот. 

Граѓаните иницираа петиција во која се бара слобода за него, затоа што го бранел својот дом и животите на него и неговата сопруга.

 

28/04/2015

Потврдена затворската казна за еден од разбојниците што го нападнаа дедо Љубе

Апелацискиот суд во Скопје ја потврди затворската казна од осум години за Борче Иванов (28), еден од двајцата разбојници кои пред две години го нападнаа дедо Љубе од Kојково и неговата сопруга.

На јавната седница на судот одржана пред три недели Иванов негираше дека го тепал старецот.

 

 

13.12.2017 

По 5 години пак ќе почне судењето на дедо Љубе, кој во својата куќа застрела двајца разбојници

 

Во јануари наредната година, во Основниот суд Куманово ќе започне судската постапка против Љубомир Митев (78) од кратовското село Којково, кој во самоодбрана во својата куќа застрела двајца разбојници, од кои едниот го усмрти, а другиот го рани, бидејќи го малтретирале и сакале да го ограбат.

Во април 2015 година, по барање на адвокатите на Дедо Љубе, поради одредени пропусти, обвинението беше укинато и предметот се врати во истражна постапка. Дедо Љубе беше обвинет за три кривични дела: убиство во миг, убиство во обид и недозволено поседување на оружје, затоа што го убил Зоран Златков (28) и го ранил Борчо Иванов (30), откако неколку часа го измачувале и се заканиле дека ќе ги убијат него и неговата неподвижна сопруга ако не им ги даде парите.

„Завршена е истрагата и сега почнуваме од почеток. Подготвени сме за претстојните правни битки и очекуваме правна победа за Дедо Љубе“

, изјави неговиот адвокат Христијан Георгиевски од Куманово.

Разбојништвото се случи на 27 февруари 2013 година во трошната куќа на двајцата старци во планинското село Којково, кога двајцата натрапници насилно влегле во нивниот дом и почнале да се изживуваат. На дедо Љубе му ставиле најлон во уста го турнале на земја и го тепале, а потоа го врзале со јаже за столче, додека бабата ја покриле со ќебе и ја малтретирале. Потоа отишле во другата соба да ги бараат парите, тој го искористил нивното невнимание и се одврзал. Заминал во подрумот и ја земал ловечката пушка од која пукал.

Пред почетокот на судењето јавноста бараше ослободување на Дедо Љубе, бидејќи сметаше дека старецот бил нападнат во својот дом и во самоодбрана ги извршиле делата за што се товари.

Разбојникот Иванов кој преживеа е осуден на 8 години затвор.

 

МАКЕДОНОН: 
Ова е почеток на крајот на ''правдата'' на криминалците кои се ''вгнездиле'' во судовите низ Р. Македонија.